25N

O pasado luns foi 25 de novembro, Día Internacional contra a violencia de xénero. É importante que os nenos e nenas medren aprendendo que homes e mulleres son iguais e teñen os mesmos dereitos. Por isto, lemos a Artur e Clementina (Kalandraka) e reflexionamos sobre a historia que nos conta.

 Logo plasmamos a nosa man e escribimos a palabra non para lembrar que non queremos violencia.

QUE É A CIENCIA?

Este mes de novembro é o mes da ciencia na Biblioteca Escolar, así que fomos investigar iso da... c i e n c i a. Que é? Quen son os científicos? Que materiais utilizan? Soábannos a "descubridores" de cousas, pero...de que?
Tivemos sorte e na aula había unha caixa con materiais moi curiosos: probetas, gafas transparentes, lupas, goteros... utilizarían iso os científicos? Despois de moito falar chegamos a algunhas conclusións en equipo do que utilizan ou non nos laboratorios :)

Aproveitamos para achegarnos á oceanógrafa Ángeles Alvariño, que foi a primeira muller galega en navegar nun barco para investigar novas especies mariñas, e descubriu máis de 22 especies, entre elas unha medusa.
E como quixemos probar como se sentía un "experimentador" (ás veces non nos sae a palabra científico), fixemos un experimento no que se movían as cores! Como vedes, tamén o fixemos traballando en equipo e repartíndonos o traballo.
Aquí vai un vídeo con moitas fotos!

NOVEMBRO-CIENCIA

PAN DE MONSTRO

Os días próximos ao Samaín aproveitamos para facer PAN DE MONSTRO!

Como poderedes ver no vídeo, amasamos moitííísimo, mesturamos co colorante a masa e...ao forno! 

Riquísimo!

PAN DE MONSTRUO

SAMAÍN 2019

E chegou o S A M A Í N . . .
Aproveitamos este momento para contar contos de medos, de escuridade, de monstros malos, bos, malos que ao final son bos, de monstros de teñen medo dos nenos e das nenas... Hai moitos tipos!
Traballamos vocabulario desta celebración, xogamos cos números e as letras, traballamos a expresión oral cando nos contan como fixestes as cabazas super chulas que trouxestes á escola…
Deixámosvos un vídeo con propostas da aula e unhas fotos :)

Os nenos e nenas de 4 anos o día do Samaín. Guapísimxs! 

Os nenos e nenas da aula de 4 anos cos Carabuñas!



SAMAÍN 2019

O OUTONO XA CHEGOU...

O outono chegou…

As folliñas caen,

as folliñas caen,

e cambian de cor!

      Con esta canción de Uxía Lambona e a Banda Molona (e que podedes escoitar aquí: https://www.youtube.com/watch?v=79-6l4A1nII) celebramos a chegada do Outono!

       No video podedes ver como traballamos aspectos de grafomotricidade, habilidades numéricas, arte, lectoescritura... utilizando elementos do outono e relacionados con esta estación. Agardamos que vos guste!



Outono 2019

ANIVERSARIOS DE OUTUBRO!

Pronto chegou o mes de outubro, e nesta ocasión celebramos os aniversarios elaborando unha receita cun froito propio do outono: a cabaza!

Mmmm...as madalenas de cabaza que fixemos estaban deeeliciosas!!

Como poderedes ver nas fotos, os pequenos traballan en grupos de 3-4 integrantes, por equipos! Estamos comezando a traballar deste xeito, pero xa o fan moi ben :)

No mes de outubro festexamos os aniversarios de Noel e Sarah!

Felices 4 anos!

ANIVERSARIOS OUTUBRO

BENVIDOS!

Benvidos ao blogue da aula dos nenos e nenas de 4 anos da EEI de Vilarrodís!

     Iniciamos o curso 2019/2020 con moitos cambios na aula: novos compis, novas profes, … todo un reto! Pero xa estamos afeitos e, como xa levamos uns meses de curso, abrimos esta páxina para que poidades participar da nosa vida na aula e compartir cos vosos fillos e fillas a visita ao blog para que vos vaian contando e perciban o voso interese pola súa vida escolar.

        Para inaugurar este espazo, deixámosvos un vídeo coas imaxes da celebración dos aniversarios de setembro. Para a ocasión, elaboramos tres riquísimos biscoitos de iogurt nos que sopraron os catro anos  Mauro e Lume!

ANIVERSARIOS SETEMBRO